Feature အသစ်တွေပါဝင်လာတဲ့ YouTube app update အသစ် 

“Largest video platform” ကြီးတစ်ခုဖြစ်တဲ့ YouTube ဟာတော့ သူ့ရဲ့ YouTube app အတွက် update အသစ်တစ်ခုကိုပြီးခဲ့တဲ့ရက်အနည်းငယ်ကထုတ်လုပ်လိုက်ပြီဖြစ်ပါတယ်။ ထူးခြားတာကဒီ Update မှာပါဝင်လာတဲ့ Feature အသစ်တွေဟာ User တွေဘက်ကိုစဉ်းစားပြီး ဖန်တီးပေးထားတာဖြစ်ပါတယ်. YouTube app မှာကြီးပဲအချိန်ကုန်နေတဲ့ ဘော်ဘော်တွေအဖို့ စဉ်းစားပြီးထည့်သွင်းပေးထားတာလို့ဆိုရမှာပါ။ Feature အသစ်တွေကိုစတင်မိတ်ဆက်ပါပြီ…..

  • Disable sounds & vibrations

YouTube app ကပို့မယ့် Notification တွေရဲ့ အသံနဲ့ တုန်ခါမှုကို ဖျောက်ဖျက်ပေးမယ့် Feature ပါ။ Disable ကိုအချိန်နဲ့ပြုလုပ်ပေးတာဖြစ်ပြီး Default setting ကတော့ နံနက် ၈ နာရီကနေ ည ၁၀ နာရီအထိလို့သတ်မှတ်ထားပါတယ်။ (သတ်မှတ်ချိန်ထက်ကျော်လွန်သွားရင်တော့ သူ့အလိုလို Enable ပြန်ဖြစ်သွားမှာပါ။) စတင်ချိန်နဲ့ ပြီးဆုံးချိန်ကို မိတ်ဆွေ စိတ်ကြိုက်ပြုပြင်နိုင်မှာဖြစ်ပါတယ်။

Android/ iOS (Settings -> Notifications -> Disable sounds & vibrations)

 

  • Scheduled digest

YouTube က Live stream, upload, comment အစရှိတဲ့ တစ်ရက်လုံးစာ Notification အားလုံးကို သတ်မှတ်ထားတဲ့အချိန်တစ်ခုမှာ အချက်ပြအောင်ပြုလုပ်ပေးနိုင်မယ့် Feature ဖြစ်ပါတယ်။ တစ်ရက်လုံးစာ Notification အားလုံးကိုစုပြီး အသိပေးမယ့်အချိန်ကိုတော့ မိတ်ဆွေကိုယ်တိုင်ရွေးချယ်နိုင်မှာပါ။

Android/ iOS (Settings -> Notifications -> Scheduled digest)

 

  • Remind me to take a break

ဒီ Feature ကတော့ YouTube app ကိုအချိန်အတိုင်းအတာနဲ့အသုံးပြုနိုင်အောင်ဖန်တီးပေးထားတာဖြစ်ပါတယ်။ ၁၅ မိနစ်၊ ၃၀ မိနစ်၊ ၆၀ မိနစ်၊ ၉၀ မိနစ်၊  ၁၈၀ မိနစ် အစရှိတဲ့အချိန်တွေထဲကတစ်ခုကို Alert အနေနဲ့ ရွေးချယ်နိုင်မှာပါ။  ရွေးချယ်ထားတဲ့ Alert အချိန်ရောက်ပြီဆိုရင် မိတ်ဆွေကြည့်နေတဲ့ ဗီဒီယိုကို ခေတ္တရပ်တန့်ပြီး သတိလာပေးမှာပဲဖြစ်ပါတယ်။ (ရပ်တန့်ပြီး လုပ်စရာရှိတာဆက်လုပ်မလား (သို့) ဆက်ကြည့်မလား ကတော့ မိတ်ဆွေသဘောပါပဲ 😆)

Android (Settings -> General -> Remind me to take a break)

iOS (Settings -> Remind me to take)

 

ကျွန်တော်တို့ဖော်ပြပေးသွားတာတွေကတော့ YouTube app (13.17.8 version) မှာပါဝင်တဲ့ Feature အသစ်တွေပဲဖြစ်ပါတယ်။ အသုံးတည့်လှတဲ့ Feature အသစ်တွေပဲဖြစ်တာကြောင့် ဘော်ဘော်တို့ကြိုက်နှစ်သက်မယ်လို့ ယုံကြည်ပါတယ်။

 

Download link – Android/ iOS

Source – 1, 2, 3

, , ,

Leave a Reply

Your email address will not be published. Required fields are marked *